प्रियंकाको फिल्ममा घुस्ने बानी

शत्रु गतेमा हिरोइन भएर काम गरेपछि अभिनेत्री प्रियंका कार्कीलाई दाल भात तरकारीमा काम नगराउने मुडमा यसका निर्माता किरण केसी थिए । किरण केसीले स्वस्तिमा खड्का, वर्षा राउतलाई फिल्ममा लिए । स्वस्तिमाले फिल्म छाडेपछि आँचल शर्मा भित्रिइन् । अभिनेत्री प्रियंका कार्की पनि कलाकार हुन् भनेर पब्लिसिटी गरियो । प्रियंका कलाकार नभएर आइटम गर्ल थिइन् । अभिनेत्री प्रियंका कार्कीलाई एउटा गीतमा मात्र भएपनि खेलाए किरण केसीले । अभिनेत्री कार्की यसमा राजी भइन् ।

नेपाली फिल्मकी नम्बर १ अभिनेत्रीको पगरी पाएकी प्रियंकाका लागि आइटम गीतमा मात्र स्थान पाउनु पनि ठूलो कुरा भयो । सुश्री सम्पत्ती फिल्ममा पनि प्रियंकाको आइटम गीत मात्र छ । यो गीतमा सारा सिर्पाली हिरोइन छिन् । प्रियंकाको विशेष भूमिका भनेर मुहुर्त गरिएको थियो । पछि, उनी एउटा गीतमा देखिइन् । प्रियंकाको गीत चलेन, फिल्म पनि चलेन । तर, पनि सुश्री सम्पत्तीमा पनि उनी घुसिन् ।

कलाकार भएपछि आफ्नो भूमिकालाई ध्यान दिएर काम गर्नपर्छ । आफ्नो भूमिकालाई बलियो बनाउन कलाकार लाग्नपर्छ । अझ,दर्शकले पत्याएका कलाकारमा त यो कुरा बढी हुन्छ । कलाकार आफू कमजोर हुने देखेपछि फिल्म नै गर्दैनन् ।
तर, अभिनेत्री प्रियंका कार्कीको हकमा यो कुरा छैन । उनी, जस्तो भूमिका होस् गरिदिन्छिन् । उनले कहिलेकाही म नेपाली फिल्मको चलेकी अभिनेत्री हुँ भनेर नै विर्सिएको पाइन्छ ।

हेल्लो जिन्दगी फिल्ममा स्वेता खड्काले काम गर्न नसकेपछि प्रियंका भित्रिइन् । प्रियंका कार्की यो फिल्मकी मुख्य हिरोइन होइनन् । फिल्ममा दीपिका प्रसाई मुख्य हिरोइन छिन् । तर, प्रियंकालाई यो भूमिका गर्नका लागि पनि सोच्न परेन । उनको हातमा अहिले फिल्म छैन । फिल्म नहुदा उनलाई तनाव हुन्छ ।

नेपालमा अभिनेत्रीले एक दशक एकलौटी राज गरेका छन् । रेखा थापाको क्रेज एक दशकपछि मात्र कमजोर भएको हो । तर, अभिनेत्री प्रियंकाको लागि यो कुरा भएन । उनी जती चाडो उदाइन् त्यती नै चाडो फिल्मी करिअर धरापमा पारेर ओरालो लाग्दैछिन् । यसको कारण भनेको नै, उनले फिल्म छान्न नजान्नु हो ।

अभिनेत्री कार्कीले फिल्म छान्न नजान्दा उनले जस्तो फिल्म पनि खेलिन् । इन्स्टामा आउने २–४ सय प्रतिक्रियाले मात्र स्टारडम टिक्दैन । स्टारडम टिकाउनका लागि काम गर्नपर्छ । काम गर्न नजान्दा करिअर सकिन्छ । प्रियंकाको पनि यस्तै भयो । उनी अभिनित फिल्म प्रेमदिवस रिलिज शुक्रबार हुँदैछ । यो फिल्म रिलिज हुन लागेको दर्शकलाई थाहा छैन । यसले प्रियंकाको करिअर कती ओरालो लाग्दैछ भन्ने थाहा हुन्छ ।